De Viana do Bolo a Vilariño de Conso por Quintela do Pando e regreso.
Esta ruta está referenciada tamén en Wikiloc e no espazo web Portas de Galicia (enlace; http://www.turgalicia.es/presentacion-do-centro-btt-portas-de-galicia), coa denominación "Conexión Vilariño - Viana do Bolo".
Recoméndase esta ruta para bicicleta de montaña, pero polo seu recorrido (16 km) e dificultade, pódese perfectamente facer andando, coa conseguinte ventaxa de poder apreciar mellor os contidos desta ruta.
Iniciamos esta ruta en Viana, cruzamos a ponte que vai a Vilariño e comenzamos a subir pola estrada. A 2 km atopamos á dereita o cruce que vai a Quintela. Podemos coller "atallos" que nos deixen no lugar. Metémonos pola rúa principal, pasando a igrexa de Santa Isabel hai un cruce á esquerda que vai ao cemiterio. Collemos por el, seguimos en dirección Norte, hai un indicador BTT, e xa o camiño vai baixando, cada vez con máis desnivel, cara o embalse (río Conso). O camiño métese nunha preciosa carballeira moi tupida pola beira do embalse. Quizais sexa esta a parte máis bonita da excursión. Son perto de 5 km metidos na carballeira. |
Chegamos á ponte de Santa Mariña. Chegados aquí, temos dúas opcións. Podémonos manter pola vertente dereita do río Camba e seguir ata a Subestación Eléctrica de Conso, para conectar coa estrada que vai a Viana por Fradelo.
A outra opción é pasar a ponte, cruzado o embalse, o camiño sube un pouquiño ata unirse á estrada que vai a Santa Mariña. Collemos á esquerda, cara a Vilariño (son un pouco máis de 3 km). Chegado ao cruce da ponte, podemos ir ao centro de Vilariño ou cruzar a ponte e ir cara Viana por Fradelo.
Testemuña gráfica:
Testemuña gráfica:
O río Conso xúntase ao Bibei
|
Seco testigo doutros tempos ...
|
Río Conso
|
Ao fondo, Santa Mariña.
|
Camiño costaneiro que vén desde Buxán ao encoro.
|
O Picouto, ponte de S. Mariña e parroquia de S. Mariña.
|
Ruta das telleiras (Viana do Bolo).
Esta ruta está referenciada no espazo web Portas de Galicia (enlace; http://www.turgalicia.es/presentacion-do-centro-btt-portas-de-galicia), coa mesma denominación.
Dada a nula dificultade e a escasa lonxitude da ruta, esta pódese facer perfectamente andando. Dependendo das variacións que fagamos, o recorrido oscila entre os 10,5 e os 12 km.
A ruta recibe este nome porque recorre algunhas barreiras onde se extraía arxila.
A ruta recibe este nome porque recorre algunhas barreiras onde se extraía arxila.
Descrición:
É irrelevante iniciar esta ruta pola ponte de Vilariño (dirección Oeste) ou hacia o Sur (dirección A Gudiña).
Se collemos pola estrada que vai a Vilariño de Conso, pasando a ponte, ímonos atopar con varias (3) pistas de terra que desembocan na estrada pola esquerda. Nós collemos a que ten un indicador BTT. É unha pista ancha e coidada que bordea o embalse (río Camba) pola marxe esquerda. Pódese acceder ao embalse por varios puntos.
A pista desemboca na estrada que vai a Bembibre. Temos que coller á esquerda, atravesamos a ponte que cruza o embalse e conectamos coa estrada que vai a A Gudiña á altura do cruce que ascende ata a aldea de Caldesiños.
Chegados aquí e se estamos dispostos a subir un bo desnivel por unha pista asfaltada de case 2 km, podemos visitar as "Médulas de Caldesiños". Como o seu nome indica, foi unha zona de extración aurífera na época do Baixo Imperio, empregando o sistema de ruina montium. |
O que nos queda do recorrido é seguir a estrada OU-533 ata Viana (5 km). Se queremos facer máis interesante este treito, podemos coller pola estrada vella, que está a un nivel inferior á actual. Esto só é posible se o nivel do embalse é baixo. Hai que estar atentos aos posibles cambios de nivel, pero sempre poderemos trepar hacia a estrada actual, aínda que non sempre é doado. Hai que saber que por moi baixo que estea o embalse, a estrada vella acaba mergullada na auga e teremos que chegar a Viana pola nova.
Ver zona da ruta en Google maps:
Testemuña gráfica:
Ver zona da ruta en Google maps:
Testemuña gráfica:
Río Camba, ao frente á dereita, Quinteliña.
|
Vista cara ao S.E, coas Médulas e o Testeiro ao fondo.
|
Bonito recuncho do encoro desde As Ladeiras.
|
Val glaciar do río Cenza, desde Vilariño de Conso.
Ruta fácil e cómoda que vai por estradas asfaltadas e anchas pistas. Hai que contar co desnivel de ascenso que é de 600 m (dos 750 m de Vilariño ata os 1.340 no azude do encoro do Cenza). A distancia entre Vilariño e o azude do embalse é dun 12 Km. Se engadimos os 11 km do perímetro da ribeira do encoro dános un total de 35 km.
Saímos do centro de Vilariño de Conso e baixamos un pouco ata coller a OU-0701, estrada que enlaza Vilariño con Manzaneda. Aos 3 km de recorrido collemos un cruce á esquerda, deixado cara o nordeste a parroquia de San Cristobo. Aos 5,5 Km atopamos outro cruce, cara a dereita lévanos a Chaguazoso e se seguimos recto pasamos por riba da parroquia de Castiñeira. Os dous camiños levan ao mesmo sitio. Se seguimos recto, iremos por estradas asfaltadas ata o encoro, se imos por Chaguazoso, ao saír do lugar e ata o azude do encoro, iremos por pistas de terra.
Unha vez no embalse, podemos apreciar os potentes filóns de seixo que atravesan o granito e o gneis, proba das enormes presións ao que se viron sometidos os materiais pétreos nesta zona do Macizo Central. Tamén podemos percorrer o perímetro do embalse, darémonos de conta entón da desfeita paisaxística, etnográfica e ambiental que supuxo a instalación deste embalse na cabeceira do río Cenza, o val glaciar mellor conservado de Galicia.
Augas abaixo do embalse, pero perto del, atópase un "Foxo do lobo". Típico foxo de valados en cruz e foxo central. Os valados están moi deteriorados e insinúanse pola vexetación. Pola marxe esquerda do río Cenza e ata a parroquia de Chaguazoso (a parroquia de máis altitude de Galicia), discurre a principal morrena do extinto glaciar, aínda que nos desmontes feitos para facer as estradas da zona, vemos restos da morrena.
Testemuña gráfica:
Saímos do centro de Vilariño de Conso e baixamos un pouco ata coller a OU-0701, estrada que enlaza Vilariño con Manzaneda. Aos 3 km de recorrido collemos un cruce á esquerda, deixado cara o nordeste a parroquia de San Cristobo. Aos 5,5 Km atopamos outro cruce, cara a dereita lévanos a Chaguazoso e se seguimos recto pasamos por riba da parroquia de Castiñeira. Os dous camiños levan ao mesmo sitio. Se seguimos recto, iremos por estradas asfaltadas ata o encoro, se imos por Chaguazoso, ao saír do lugar e ata o azude do encoro, iremos por pistas de terra.
Unha vez no embalse, podemos apreciar os potentes filóns de seixo que atravesan o granito e o gneis, proba das enormes presións ao que se viron sometidos os materiais pétreos nesta zona do Macizo Central. Tamén podemos percorrer o perímetro do embalse, darémonos de conta entón da desfeita paisaxística, etnográfica e ambiental que supuxo a instalación deste embalse na cabeceira do río Cenza, o val glaciar mellor conservado de Galicia.
Augas abaixo do embalse, pero perto del, atópase un "Foxo do lobo". Típico foxo de valados en cruz e foxo central. Os valados están moi deteriorados e insinúanse pola vexetación. Pola marxe esquerda do río Cenza e ata a parroquia de Chaguazoso (a parroquia de máis altitude de Galicia), discurre a principal morrena do extinto glaciar, aínda que nos desmontes feitos para facer as estradas da zona, vemos restos da morrena.
Testemuña gráfica:
Vilariño de Conso
|
Castiñeira
|
Paisaxes ásperas
|
Presa do Cenza
|
500 m de azude
|
O Cenza augas abaixo do encoro
|
Vista do embalse hacia o NO
|
Potentes filóns de seixo no granito
|
3 en liña: Picouto, Testeiro e Aguallal
|
Chaguazoso
|
Penedo en Chaguazoso
|
Morrena descuberta ao abrir a estrada
|
O Cenza augas arriba de Castiñeira
|
San Cristovo
|
Outeiro do Picouto e Médulas de Caldesiños detrás
|
Mar de nubes en Castiñeira
|
Foxo do lobo
|
O embalse e, ao fondo ao NE, Pena Trevinca.
|
Vista desde a cabeceira do encoro co Testeiro e o Aguallal
|
Antigo curro descuberto pola baixada de nivel da presa
|
O río Cenza augas arriba do encoro
|
No hay comentarios:
Publicar un comentario